 |
泰雅族傳說(九) Yekliy
Nanu squ raral hiya qa maki qutux squliq, hlngat iyal qu pqzinah nya lalu mya ga Yekliy mrhuw. Ana Su wayal lama qutux ryax qu squliq hiya mga, shngan nya squ kska tuqiy qu minnleng na squliq. Pin'nakan miq qruzyux kakay na utux qu Yekliy mrhuw qasa hiya.
Minnxal maki qutux ryax mga, mkayal kwara squliq ka qalang na Yekliy qasa, kmal qu mrhuw nha mha " awbih tehuk qu Pslkawtas ta la, aki ta musa mlata ha, swaga baliy nanu qu nnagal ta squ utux ru Ikawtas ta" mha mkayal. Nanu yasa qu qutux qutux ngasal si ptbuciy smxu qu kneril nha, p'aras nha squ mlikuy musa mlata.
|
Mtmasuq smr'zyut qeqaya kwara nha Iga, wal balay tkluw qmalup la. Ki'a qutux ryax pinhkngyan nha lga tehuk squ qzyunam, qsugun nqu mrhuw qu rgyax ka 'sawn nha qmalup. Si qisa tpoh kmal qu Yckliy mrhuw ma " pqasuw ru usa qmalup kwara mamu, anay simu sm'ta squ b'bu qaniy, swaga iyat simu pthuyay tpucing mhyaw qsinuw " mha kmal. Ki'a qutux uruw qu qinlupan nha Imga, cyux taring limwaw qu Yekliy mrhuw la. Taqu gluw nya uzi misuw balay gmsyuk hmwaw squ qzyunam qasa, si kta qu bbqanux ki'a mnkux lru wayal memaw mbukut mgyay, ana bzywak lga wal "hop ...... hop " mqzinah sa kska na lhlahuy. Ini pllawa cyux si " pax ......pax " matus qu klbing, kya qutux gluw nha cyux hmwaw te klbing mha "bun bqanux la, bun bqanux la" . Ini pongiy na Yekhiy qu hngzyang mgi twahig qu cyux nha bwan kasa.
|
|
Trang pongan nqu Yekliy mrhuw qu hngzyang mga, ini nangiy min?nxal msuna lga, mbzyaq rhzyal aring squ zinkragan nya qhuniq. Si nya pintringiy qu hngzyang na patus ru t'aring mqhuyaw mqzinah, ana wal msgigyut mhutaw qu pnanga nya, yan nqu kluban, btakan ru bwax na ga, ini nya baqiy ana cikuy. Tehuk squ nyux nha bwan bqanux qasa lga, rima qmataq lamaw na bqanux ru nyux smuling hi na bqanux qu kruma gluw nya Ia. kmal qu cyux smuling hi qasa mha " uwah magal pinqutux knu?tan ha. teta simu ini tringiy behuy " mharu tuliq Yekliy mrhuw hiya , sinya kyapi qutux krahu knutan hi qasa ru wal mtama squ syaw natngzyax. Kmal qutux qu gluw nha mha " Yekliy mrhuw, cyux su btaqan na lapaw ngarux sa lihuy lgaw , ana ga pknhway su cikay mqzinah ru ana su msqawlu su iyal? " . Baha mung qu Yekliy mrhuw pi, cyux moyay pshit hi na bqanux. ke' kasa lga ki'a mha nanu wal si gisa " Wax" mslaqux squ tngzyax qu Yekliy mrhuw la. Tuliq, ta kwara ka mingluw qasa 'san nha gmgluw mita mga, balm isu nyux rima mkzyay qu hi nya Ima, inblcqun nha mitamga, nyux pkikil sa g'nux nya qu pinshitan nya hi na bqanux ma. si nha biliy t'abaw lru pgyaran nha ru mhzinah musa ngasal, si nha sbiliy kya qu hi na bqanux, swaga gaga mga psaniq ma.
Maki squ kska tuqiy lga kmal qutux gluw nha mha " ana simu msqawlu ga laxiy usa pshit hi bqanux to tngzyax lki " . Sikta ka cyux si hik hik msyaq kwara ka mingluw qasa.
|
|
|
| |
Copyrigh©studwww.nou.edu.tw.All Rights Reserved esigned by Aboriginal
|
